Post
Nyina wa Jude Bellingham yagize uruhare mu ntsinzi ze mu Gikombe cy’Isi
Mu cyumweru gishize ni bwo u Bwongereza bwasezereye Norvège mu mukino wa ¼ cy’Igikombe cy’Isi cya 2026. Ibitego byombi by’intsinzi byatsinzwe na Jude Bellingham, naho kimwe cy’iyi kipe yavuyemo cyinjizwa na Andreas Schjelderup.
Mu guhishura inkomoko y’intsinzi kuri we, Bellingham yavuze ko nyina abifitemo uruhare runini cyane, kuko inama yamugiriye zatumye yitwara neza mu mikino yose harimo n’uheruka.
Ati “Mama wanjye yamaze icyumweru cyose ambwira kwirinda kuvuga amagambo menshi mu kibuga, ngenzura uko nserebeka kuri bagenzi banjye, kwirinda umujinya n’amarangamutima yanjye.”
“Ndatekereza ko yinjiye muri njye akansaba kwitonda kugira ngo ntaza kubona indi karita y’umuhondo. Umwamikazi wanjye n’ibyishimo byanjye.”
Mu mikino itandatu bamaze gukina mu Gikombe cy’Isi, Bellingham yabaye umukinnyi mwiza w’umukino inshuro eshatu. Ni nyuma y’uko amaze gutsinda ibitego bitandatu n’umupira umwe uvamo ikindi gitego.
U Bwongereza buzahura na Argentine muri ½ ku wa Gatatu, tariki ya 15 Nyakanga 2026, ikipe izatsinda ihure n’izava hagati ya Espagne n’u Bufaransa, byo bizakina ku wa Kabiri.
