IGIHE Kinyarwanda

{Mu Butaliyani, mbere gato ya Noheli, umugabo yasabye gutana n’umugore bari bamaranye imyaka 77 babana kubera kuba yaramuciye inyuma mu myaka ya za 50.
}

Antonio C nkuko yitwa mu mpapuro zo mu rukiko, ni umugabo w’umutaliyani w’imyaka 99 y’amavuko. Uyu aherutse gusaba gatanya nyuma yaho avumburiye impapuro mu kabati umugore we Rosa C w’imyaka 96 y’amavuko yajyaga yandikirana n’uwahoze ari umukunzi we rwihishwa hashize imyaka irenga 60.

Nkuko bitangazwa na globalpost.com, aba Antonio na Rosa C bafitanye abana 5, abuzukuru 12 n’umwuzukuruza umwe. Nubwo Antonio yafashe uyu mwanzuro, Rosa ntako atagize ngo amusabe imbabazi bakomeze bibanire. Nibaramuka batanye bazaba babaye abantu bakuze kurusha bandi ku isi batanye, ibintu nk’ibi byari biherutse kubaho hagati ya Brits na Jessie Wood b’imyaka 98 batanye muri 2009 nyuma y’imyaka 36 bari bamaranye barushinze.

Ubusanzwe Antonio C akomoka muri Sardinia akaba yarahuye na Rosa C bwa mbere mu myaka ya za 30 ubwo yakoraga mu gisirikare muri Naples aho Rosa akomoka.