IGIHE Kinyarwanda

{Umuryango w’Afurika Yunze Ubumwe ugiye gushyiraho umutwe wihariye wo guhigwa bukware Joseph uyobora umutwe w’inyeshyamba zizwi ku izina rya Lord’s Resistance Army.}

Uyu mutwe urwanya ubutegetsi bwa Uganda ufatwa nk’inzitizi y’amahoro arambye n’umutekano muke muri aka karere ka Afurika y’Ibirasirazuba ndetse n’Umugabane wose muri rusange.

Joseph Kony bivugwa ko yaba aherereye muri Repubulika ya Centre Africa ; abasirikare ibihumbi bitanu nibo boherejwe n’uyu muryango kujya kumuhiga bukware.

Intumwa yihariye muri Afurika yo hagati y’Umuryango w’Abibumbye Abou Moussa, yavuze ko abarwanyi bo mu mutwe wa Lord’s Resistance Army.babarirwa hagati ya 200 na 700, bakaba bakorera muri Repubulika Iharanira Demokarasi ya Congo, Soudani y’Amajyepfo no muri Repubulika ya Centre Africa.

Kuri uyu wa Kabiri nibwo aba basirikare 5000 baba bayobowe n’ingabo za Uganda (UPDF) bagera i Juba muri Soudan y’Amajyepfo.

Uretse kuba yahagurukiwe n’Umuryango w’Afurika Yunze Ubumwe Joseph Kony anashakishwa n’urukiko mpuzamahanga mpanabyaha rw’ i La Haye mu Buhorandi kubera ibyaha by’intambara.