IGIHE Kinyarwanda

{Nk’uko twabibateguje mu gice cya munani, tugiye kwinjira mu gice cy’amateka maremare y’iremwa ry’ingoma.}

Amateka n’imiterere y’Ingoma tukaba tugiye kuyava i muzi, tukazayagera i muzingo.Turacyari ku ngingo nkuru twise “Umwanya w’Ingoma.” izagenda igira ingingo nto nyinshi zizagenda zisobanura Ingoma n’umwanya yari ifite mu Rwanda rwo ha mbere.

Tukaba tugiye kurebera hamwe agace gato kitwa “Ikigereranyo cy’imvugo ku Ngoma”.

{{Ikigereranyo cy’imvugo ku ngoma}}

Kimwe n’ibindi birangamuco w’Abanyarwanda, ingoma nayo igira imvugo yayo yihariye iyikoreshwaho, igihe cyose bashaka kuvuga ibiyerekeyeho.

Dore zimwe mu mvugo mbonezamvugo zikoreshwa ku ngoma:
Gakondo y’imvugo ku ngoma:

{{Ijambo gakondo}} {{ Ijambo risanzwe}}

Umutagara Ingoma zigize umukino, umuriri

Gusiga ingoma Kuzitera amaraso y’inka ngo zitamungwa

Gukosha ingoma Kuzigura

Kuramvura ingoma Kuzibaza

Kurema ingoma Kuzibambaho uruhu

Kuremera ingoma Kuzikorera

Kururutsa ingoma Kuzitura

Gutaha Kuza kw’ ingoma

Kuzijisha Kuzibika (ahantu hegutse zagenewe)

Kuzibyarira Kuzitaba mu gitaka

Kuzibikira Kuzibika

Gukura Gusaza kwazo

Kurara Gusaduka iyo zikiri nshya

Kuribora Gusaduka iyo zikiri nshya

Kubyara Gutoboka

Kuzosa Kuzishyira ku gicaniro

Kurenga Kuvuga zikaraza iyo zashyushye

Gusuka Gutangira kuvuga

Gutuza Guceceka

Gutunga Kurangiza kuvuga

Gutungisha Kuvuza umurishyo wo kurangiza

Umurishyo utungisha Utuma barangiza kuvuza

Umurishyo ubukira Wa nimugoroba, usinziriza

Umurishyo Ubambura Wa mu gitondo, ukangura

Indamutsa Ingoma itanga bwakeye

Kuvuga urwunge Kuvugira icyarimwe kw’ingoma

Kubyukira Kuvuga bugicya

Kuvunura Guhindukira kw’ingoma

Gusegura Gushyigikira ingoma

Gutambira ingoma Kuzishayayira, kuzibyinira

Kurambagira Gutambagira by’ingoma

Gukuka Kuva mu ibarizo

Gukura Kujvana ingoma mu ibarizo

Imyari Ingoma zitarambara

Kuzambika Kuzishyiraho uruhu

Kwambara Kujyaho uruhu

Kogosha (ingoma) Kuyivuza ngo iveho ubwoya

Ingabe Ingoma igenga igihugu

Ibigamba Ingoma z’ibyegera by’ingabe

Kuzirika ukwezi Gufata igihe kw’Abiru

Uzirikisha Umutware w’Abiru

Kuzirika ingoma Kureka kuzivuza muri Gicurasi

Ingoma ziraziritse Ingoma ntizishobora kuvuga

Kuzirikisha Kuba umugenga w’Abiru
bafashe igihe

Gusibira umurishyo Kongera kuwuvuza

Amaboko y’ingoma Imikondo yazo

Urukamishirizo Aho ingoma zibikwa

Ikiraro cy’ingoma Aho ziba

Impuruza,intabaza Umurishyo w’urugamba

Umutimbo ,agatimbo Umurishyo ukanabikira

Gukura gicurasi Kwerera wa Kamena

I Gaseke kwa Cyilima Aho bakuriraga Gicurasi

Kubundisha ingoma Kuyihisha

Kunoshereza Kuvuza umamata, gahoro

Ngiyo rero imvugo karande ijyana n’ingoma; Imvugo igaragaza icyubahiro abakurambere bari afitiye umuco w’ingoma yari nk’ibendera ry’igihugu. Icyo gitinyiro cy’ingoma kikaza na none gushingira mu migani ivugwa na rubanda ku ntekerezo zabo zigenura ingoma.

Mu nkuru itaha ikubiye muri iyi ngingo nkuru “Umwanya w’Ingoma” tuzabageza inkuru ivuga “Imigani migufi ivugwa ku ngoma”.

Inganzo z’Abanditsi twisunze:

-Ingoma i Rwanda: (Padiri .SIMPENZWE Gaspard, 1992)

{{Umusizi NSANZABERA Jean de Dieu}}

{{Twandikire kuri:}} [email protected]