Post
Byiringiro Patrick wakiniraga Kepler VC yitabye Imana
Mu gitondo cyo kuri uyu wa Gatatu, tariki ya 15 Nyakanga 2026, ni bwo hamenyekanye iyi nkuru y’incamugongo ku bakinnyi n’abakunzi ba Volleyball mu Rwanda.
Byiringiro Patrick yitabye Imana azize uburwayi yari amaranye iminsi. Yarembye nyuma yo gushyira umukono ku masezerano y’imyaka ibiri yo gukinira APR VC kuva mu mwaka w’imikino wa 2026/27.
Uyu mukinnyi wakinaga mu kibuga hagati muri Kepler VC yari sigaje igihe gito ku masezerano y’iyi kipe, ariko akaba yari ayimazemo imyaka itatu, ayifasha kugera ku ntego zitandukanye.
Kuva yayigeramo nta na rimwe iyi kipe itasoreje umwaka mu makipe ane meza muri Shampiyona y’u Rwanda ya Volleyball, ibyatumaga ikina imikino ya kamarampaka mu buryo buhoraho.
Yafatanyije n’iyi kipe inshuro ebyiri mu marushanwa y’amakipe yitwaye neza iwayo muri Afurika “African Men’s Volleyball Club Championship”, harimo n’iriheruka kubera mu Rwanda.
